راولپنڈی(نیوزڈیسک) سینٹرل جیل اڈیالہ راولپنڈی کی سیکورٹی ہائی الرٹ کردی ، اڈیالہ جیل میں اس وقت بانی تحریک انصاف عمران خان اور سابق وزیرخارجہ شاہ محمود قریشی سمیت کئی اہم شخصیات قید ہیں۔
گزشتہ ہفتے اڈیالہ جیل راولپنڈی کو نشانہ بنانے کے حوالے سے دھمکی آمیز فون بھی موصول ہوئی تھیں، تھانہ صدر بیرونی میں افغانستان اور بیرون ملک سے ملنے والی دھمکی آمیز کالوں سمیت دہشتگردی اور ٹیلی گراف ایکٹ کے تحت مقدمہ بھی درج ہے۔
سکیورٹی یقینی بنانے کیلئے جیل کے گرد ایلیٹ فورس بھی مسلسل پیٹرولنگ میں مصروف عمل ہے۔
