گوجرانوالہ(نیوزڈیسک)مسلم لیگ (ن)کی چیف آرگنائزرمریم نواز نے کہا ہے کہ نوازشریف کو بتانا چاہتی ہوں کہ جب آپ ملک میں نہیں تھےتب بھی گوجرانوالہ نے مسلم لیگ ن کا ساتھ نہیں چھوڑا،مجھے گوجرانوالہ کا وہ جلسہ بھی یاد ہے جس نے بازی پلٹ دی تھی،گوجرانوالہ کا جلسہ بازی پلٹنے میں دیر نہیں لگاتا،
گوجرانوالہ میںجلسے سے خطاب کرتے ہوئے ان کا کہنا تھا کہ نواز شریف کو بیوی کی موت کی خبر جیل میں ملی تھی لیکن جب نواز شریف عوام کا دکھ دیکھتے ہیں تو اپنا غم بھول جاتے ہیں۔
سابق وزیر اعظم عمران خان کو توشہ خانہ کیس میں ہونے والی سزا کا حوالہ دیتے ہوئے مریم نواز نے کہا کہ نواز شریف کو چور کہنے والا خود بڑا چور ثابت ہوگیا ہے۔
نواز شریف کے خلاف سازش کرنے والے انجام کو پہنچ گئے،مریم نواز
انہوں نے کہا کہ اگر ان کے بچے لندن میں محفوظ ہیں تو کارکنوں کے بچے جیلوں میں کیوں ہیں؟ کارکن جیل میں ہیں تو ایک عورت بنی گالہ میں کیوں ہے؟ مجھے بھی ریسٹ ہاؤس میں منتقل کرنے کی پیشکش ہوئی تھی جو میں نے مسترد کردی تھی، میں نے جیل میں سہولتیں نہیں مانگیں، عام قیدیوں کی طرح رہی۔
رہنما مسلم لیگ (ن) نے مزید بتایا کہ میں اور نواز شریف کسی کے دکھ پر خوشی نہیں مناتے، مجھے کسی کو جیل جاتے دیکھ کر خوشی نہیں ہوتی ہے۔
مریم نواز کا کہنا تھا کہ میں نوجوانوں سے پوچھتی ہوں کہ انہیں پیٹرول بم چاہیے یا لیپ ٹاپ؟
