کراچی (اے بی این نیوز) شاہ لطیف قذافی ٹاؤن میں جھگڑے پر ہونیوالے جرگے میں بھی جھگڑا ہوگیا اور اس دوران فائرنگ، لاٹھی اور ڈنڈوں کے وار سے 6 افراد زخمی ہوگئے،پولیس کے مطابق شاہ لطیف کے علاقے قذافی ٹاؤن الفضل بیکری کے قریب جھگڑے کے دوران فائرنگ اور لاٹھی اور ڈنڈے لگنے سے 6 افراد زخمی ہوگئے،
مزیدپڑھیں:نکاح کا معاملہ،بانی پی ٹی آئی اور خاور مانیکا دونوں قرآن پر حلف کیلئےتیار

پولیس نے موقع پر پہنچ کر صورتحال پر قابو پالیا، زخمیوں کو اسپتال منتقل کر دیا گیا،ایس ایچ او شاہ لطیف محمد وکیل نے بتایا کہ جمعرات کی شام کو بچوں کے درمیان جھگڑا ہوا تھا اور پولیس نے دونوں فریقین کو میڈیکل لیٹر دیکر اسپتال بھیج دیا تھا تاہم رات کو فریقین کے درمیان جرگہ ہو رہا تھا کہ اس دوران ہونیوالی تلخ کلامی جھگڑے میں تبدیل ہوگئی ،جس میں فائرنگ، لاٹھی اور ڈنڈوں کا استعمال کیا گیا،انہوں نے بتایا کہ فائرنگ سے ایک شخص پاؤں پر گولی لگنے سے جبکہ دیگر 5 افراد لاٹھی اور ڈنڈے لگنے سے زخمی ہوئے، پولیس نے متعدد افراد کو پوچھ گچھ کیلئے حراست میں لے لیا اور مزیدتفتیش جاری ہے۔