کوئٹہ (نیوز ڈیسک)کوئٹہ کے مختلف علاقے زلزلے سے لرز اٹھے،زلزلے کے شدید جھٹکے کے باعث عوام میں خوف و ہراس پھیل گیا۔زلزلہ پیما مرکز کے مطابق ریکٹر سکیل پر زلزلے کی شدت 4.6 ریکارڈ کی گئی، زلزلے کی گہرائی 98 کلومیٹر اور مرکز کوہ ہندوکش افغانستان تھا۔ لوگ کلمہ طیبہ کا ورد کرتے ہوئے گھروں سے باہر نکل آئے۔فوری طور پر کسی جانی اور مالی نقصان کی اطلاع نہیں ملی۔ زلزلے کے جھٹکے 11 بج کر 9 منٹ پرہوئے، جن کی شدت 4.6 ریکارڈ کی گئی، جبکہ زلزلے کا مرکز 98 کلومیٹر زیر زمین کوہ ہندوکش افغانستان تھا۔زلزلے کے جھٹکے محسوس ہونے پر لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے۔صوبائی ڈیزاسٹر منیجمنٹ اتھارٹی (پی ڈی ایم اے) کا کہنا ہے کہ ٹیموں اور کنٹرول روم کو فوری طور پر الرٹ کر دیا گیا ۔پی ڈی ایم اے کے مطابق اب تک کسی جانی یا مالی نقصان کی اطلاع نہیں ملی۔