لاہور( نیوز ڈیسک)ایف آئی اے کی خصوصی ٹیم کی لاہور میں بڑی کارروائی ، لیبیا کشتی سانحہ کے مرکزی ملزم سعید الیاس کو گرفتار کر لیا۔ایف آئی اے ذرائع کے مطابق ملزم کے دو بیٹے لیبیا میں مقیم ہیں جو لیبیا سے کشتی کے ذریعے لوگوں کو غیر قانونی طریقے سے اٹلی بھجواتے ہیں، مرکزی ملزم نے اٹلی بھجوانے کے 20 سے 25 لاکھ وصول کئے تھے۔خیال رہے کہ لیبیا کشتی حادثے میں گجرات سے تعلق رکھنے والے 15 افراد جاں بحق ہوئے تھے، تمام افراد کو ملزم سعید الیاس نے لیبیا بھجوایا تھا۔