ریاض(نیوز ڈیسک) سعودی عرب اور ایران کے سفارتی تعلقات چین کی کوششوں سے بحال ہوگئے ، دو ماہ میں سفارتخانے کھولنے کا عمل مکمل کر لیا جائے گا، سفارتی تعلقات کی بحالی کا معاہدہ طے پاگیا۔ تفصیلات کے مطابق اس حوالے سے چین ،ایران اور سعودی عرب کے وزراء خارجہ کے درمیان ہونے والی ملاقات کے بعد اعلامیہ جاری کیا گیا جس کے مطابق چین کی جانب سے کیے گئے اقدامات کے جواب میں تینوں ممالک اعلان کرتے ہیں کہ مملکت اور ایران کے درمیان معاہدہ طے پا گیا ہے جس کی روح سے ریاستوں کی خودمختاری اور ایک دوسرے کے داخلی معاملات میں مداخلت نہ کرنا شامل ہے واضح رہے کہ اکستان نے دونوں ملکوں کے درمیان سفارتی تعلقات کی بحالی کا خیرمقدم کیا ہےدفتر خارجہ کے ایک بیان میں کہا گیا ہے کہ یقین ہے یہ اہم سفارتی پیش رفت خطے اور اس سے آگے بھی امن اور استحکام میں اہم کردار ادا کرے گی۔
