واشنگٹن (اے بی این نیوز)امریکہ میں حکام نے کم از کم 15 فضائی راستے سے بھیجے گئے آم کی کھیپوں کو دستاویزات میں کمی کے باعث مسترد کر دیا۔ میڈیا رپورٹس کے مطابق ان جہازوں کو واپس بھارت بھیجنے یا امریکہ میں ہی تلف کرنیکی ہدایت کی گئی تھی۔
آموں کی فوری خراب ہونے والی نوعیت اور بھارت واپس بھیجنے کےلئے اسکی اعلیٰ قیمت کے پیش نظر تمام ایکسپورٹرز نے آموں کو تلف کرنیکا فیصلہ کیا۔ رپورٹ کے مطابق متاثرہ شپمنٹس کو 8 اور 9 مئی کو ممبئی میں تابکاری کے عمل سے گزارا گیا تھا، لیکن انہیں مختلف امریکی ائیرپورٹس بشمول لاس اینجلس، سان فرانسسکو اور اٹلانٹا پر مسترد کر دیا گیا۔
امریکی حکام نے تابکاری کے عمل سے متعلق دستاویزات میں تضادات کی نشاندہی کی تھی، ایکسپورٹرز کے مطابق یہ ایک ضروری علاج ہے جس کے تحت پھل کو کیڑے مارنے اور شیلف لائف بڑھانے کےلئے مخصوص مقدار میں شعاعوں کے اثر میں ڈالا جاتا ہے، تو مسئلہ کیڑے مکوڑوں کی موجودگی کا نہیں بلکہ کیڑے کنٹرول پروٹوکول سے متعلق کاغذی کارروائیوں کا تھا۔ بھارتی میڈیا کے مطابق دو ایکسپورٹرز نے نام ظاہر نہ کرنے کی شرط پر اس کے مسترد ہونے پر تشویش کا اظہار کیا ہے۔
مزید پڑھیں: بااثر افراد کا بوڑھی ماں کے سامنے نوجوان کو برہنہ کرکے تشدد،ویڈیو بھی بناتے رہے
