نیودہلی (اے بی این نیوز)پاکستان کی جانب سے ابدالی نیوکلئیر میزائل کے تجربے نے بھارت میں ہلچل مچادی ، بھارتی ذرائع کا کہنا ہے کہ یہ میزائل تجربہ ایک خطرناک اقدام اور پاکستان کی جانب سے بھارت کو اشتعال دینے کی واضح کوشش ہے۔
پاکستان کی جانب سے ایٹمی وار ہیڈ لے جانے والے ابدالی بیلسٹک میزائل سے بھارت اتنا خوفزدہ ہے کہ اس کے میڈیا نے ابدالی کے استعمال کے تجربے سے ایک دن پہلے ہی چیخ و پکار شروع کردی تھی۔پاکستان کے بیلسٹک میزائل تجربے کی خبر نے بھارتی میڈیا میں ہنگامہ برپا کر دیا ۔بھارتی میڈیا کے مطابق، پاکستان نے گزشتہ دنوں میں سمندری مشقوں میں شدت پیدا کی ہے اور لائن آف کنٹرول پر قیامت ڈھا دی ہے۔
پاکستان کی اس سرگرمی نے بھارت میں تشویش کی لہر دوڑا دی ہے، جہاں اسے ایک چیلنج کے طور پر دیکھا جا رہا ہے۔پہلگام حملے کے بعد پاکستان نے مسلسل سمندری وارننگ جاری کی ہیں، عرب سمندر میں مشقوں میں اضافہ کیا اور لائن آف کنٹرول پر بھارتی فائرنگ کا موثر انداز میں جوب دینا جاری رکھا ہے۔
مزید پڑھیں: ایران کے صوبے البورز میں زلزلے کے شدید جھٹکے
