واشنگٹن ( اے بی این نیوز ) کیا ڈونلڈ ٹرمپ ذہنی طور پر صحت مند ہیں؟ ۔ ٹرمپ کے ذہنی اور جسمانی معائنے کی رپورٹ جاری کر دی گئی ہے۔طبی معائنے کے بعد ڈونلڈ ٹرمپ نے کہا کہ ان کے جسمانی ٹیسٹ کے ساتھ ساتھ دماغی ٹیسٹ بھی اچھے رہے، ان کا دل اور دماغ ٹھیک ہے۔
اپنے طبی معائنے کے حوالے سے ڈونلڈ ٹرمپ کا کہنا تھا کہ “مجموعی طور پر میں اچھی صحت محسوس کر رہا ہوں، میں نے سوچا کہ مجھے بائیڈن سے مختلف ہونا چاہیے، اس لیے میں نے بھی دماغی معائنہ کرایا اور تمام جوابات درست طریقے سے دیے”۔
دوسری جانب وائٹ ہاؤس کی جانب سے جاری بیان میں کہا گیا ہے کہ ڈاکٹروں کی رپورٹ کے مطابق صدر ڈونلڈ ٹرمپ ذہنی اور جسمانی طور پر صحت مند ہیں اور سربراہ مملکت کی حیثیت سے اپنی ذمہ داریاں نبھانے کی پوری صلاحیت رکھتے ہیں۔
دوسری جانب ڈونلڈ ٹرمپ کی میڈیکل رپورٹ میں چند معمولی مسائل کی نشاندہی بھی کی گئی ہے، جن میں دھوپ کی وجہ سے جلد کا نقصان اور گزشتہ سال قاتلانہ حملے کے دوران گولی لگنے کے بعد ان کے دائیں کان پر داغ کا نشان شامل ہے۔
مزید پڑھیں :عمران خان سے کون ملے گا کون نہیں، سلمان اکرم راجہ نے دو ٹوک بتا دیا
