اسلام آباد ( اے بی این نیوز )اسلام آباد کی ڈسٹرکٹ اینڈ سیشن کورٹ میں جعلی ویزوں پر برطانیہ سیٹل ہونے کی کوشش میں گرفتار 25 طلباء کے کیس کی سماعت کی گئی۔ عدالت نے ایف آئی اے کی درخواست کو مسترد کرتے ہوئے ملزمان کا مزید جسمانی ریمانڈ دینے کی بجائے، انہیں 14 دن کے جوڈیشل ریمانڈ پر جیل بھیجنے کا حکم دیا۔

ملزمان کو جوڈیشل مجسٹریٹ احمد شہزاد گوندل کی عدالت میں پیش کیا گیا۔ عدالت کو بتایا گیا کہ ملزمان پر الزام ہے کہ انہوں نے اپنے پاسپورٹ میں تبدیلی کر کے برطانیہ جانے اور وہاں سیٹل ہونے کی کوشش کی تھی۔ سماعت کے دوران ملزمان نے ضمانت بعد از گرفتاری کی درخواستیں دائر کیں۔ عدالت نے فریقین کو نوٹس جاری کرتے ہوئے سماعت 24 مارچ تک ملتوی کر دی اور اگلی پیشی پر وکلا سے دلائل طلب کیے۔