برسلز( اے بی این نیوز) برسلز میں کسانوں نے احتجاج کے دوران یورپی پارلیمنٹ کا گھیر اؤ کرکے عمارت کے سامنے آگ لگادی ،جس سے علاقے میں شدید قسم کا دھواں پھیل گیا،غیر ملکی خبر رساں اداروں کی رپورٹس کے مطابق موسمیاتی تبدیلیوں سے متعلق کانفرنس کے موقع پر احتجاج کے دوران کسانوں نے پارلیمنٹ کے اطراف اپنے ٹریکٹر بھی کھڑے کردیئے
مزید پڑھیں:فلسطینیوں پرظلم ،امریکہ نے 4 اسرائیلی آباد کاروں پر پابندی عائدکردی

جبکہ کانفرنس میں یورپی یونین کے رہنما بھی شریک ہوئے،اس دوران پولیس اور کسانوں کے درمیان جھڑپیں بھی ہوئیں، مظاہرین نے پولیس پر انڈے پھینکے جبکہ پولیس نے جوابی کارروائی میں واٹر کینن کا استعمال کیا،کسانوں کا کہنا ہے کہ ان پر مسلط کردہ قوانین نے زراعت کے پیشے سے وابستہ کسانوں کی زندگی اجیرن کردی جسکے باعث زراعت ان کیلئے منافع بخش نہیں رہی،کسانوں کا مطالبہ ہے کہ جبری قوانین فوری واپس لئے جائیں۔