رنگون(نیوزڈیسک) مارشل لاء مخالف جنگجووں کا اعلیٰ فوجی افسر کو لے جانیوالے ہیلی کاپٹر پرفائرنگ ، بریگیڈیر سمیت 4 فوجی ہلاک ہوگئے۔عالمی خبر رساں ادارے کے مطابق تھائی لینڈ سرحد پر مایاوڈی کے قریب میانمار کے فوجی ہیلی کاپٹر پر فائرنگ میں بریگیڈیر جنرل آئی من ناؤنگ، سیکورٹی آفیسر اور دو پائلٹس ہلاک ہوگئے۔میانمار فوج کی جانب سے ہلاکتوں کی تصدیق ، فوجی ہیلی کاپٹر پر نامعلوم جانب سے اسنائپر نے فائرنگ کی تھی۔دہشتگردی واقعے کے پیچھے کتنے اسنائپرز تھے اور یہ کس عسکری جماعت کی کارروائی ہے یہ معلوم نہیں ہوسکا۔تاحال کسی بھی علیحدگی پسند عسکری جماعت نے واقعے کی ذمہ داری قبول نہیں کی ۔ تاہم ملک میں مارشل لا ء کے نفاذ اور فوجی حکومت کے قیام کے بعد سے علیحدگی پسند نسلی اقلیتی جنگجو فوج کیخلاف کارروائی میں ملوث رہے ہیں۔ نومبر میں چین کی سرحد کے قریب میانمار کے فوج پر ڈرون حملے میں انفنٹری بٹالین کے بریگیڈیر جنرل ہلاک ہوگئے تھے جب کہ 6 بریگیڈیر جنرل اور 2 ہزار سے زائد فوجییوں نے جنگجوؤں کے سامنے ہتھیار ڈال دیئے تھے جو اس وقت بھی ان کی قید میں ہیں۔اسی طرح نومبر میں ہی میانمار کے ایک لڑاکا طیارے کو جنگجوؤں نے مار گرایا تھا جس میں سوار دونوں پائلٹس ہلاک ہوگئے تھے۔واضح رہے کہ میانمار میں 2021 میں مارشل لا کے نفاذ اور فوجی حکومت کے قیام کے بعد سے کئی علیحدگی پسند اور اقلیتی نسل کے عسکری گروپس فوج سے جنگ کر رہے ہیں اور ایسی جھڑپوں میں متعدد فوجی افسران اور اہلکار مارے گئے