غزہ ( اے بی این نیوز) اسرائیلی فورسز نے نصیرت کیمپ میں رہائشی عمارت پر بمباری کرکے 23 فلسطینیوں کوشہید کردیا، الشاتی پناہ گزین کیمپ پر حملے کئے گئے جہاں 10 فلسطینی شہید ہوگئے ،اسرائیلی بمباری میں فلسطینی شہدا کی تعداد ساڑھے 26 ہزار کے قریب پہنچ گئی،اسرائیل کے حملوں کے باعث فلسطینیوں کو اپنے پیاروں کو قبرستان لے جانے میں دشواری کا سامنا ہے جسکے باعث خان یونس کے نصیر میڈیکل کمپلکس کے احاطے میں ہی 35 فلسطینیوں کی تدفین کردی گئی،غز ہ میں صحت کی صورتحال بھی مکمل تباہ ہوگئی ہے ، اقوام متحدہ کے ادارے یو این آر ڈبلیو اے نے بتایا کہ 22 مراکز صحت میں سے صرف 4 کام کررہے ہیں۔
