نیویارک(نیوزڈیسک)اسلامی تعاون تنظیم کے سفیروں کے نمائندہ اجلاس ، اقوام متحدہ میں مستقل مندوب منیر اکرم نے بابری مسجد کی جگہ رام مندر کا مسئلہ او آئی سی اجلاس میں اٹھا دیا۔ منیراکرم کا کہنا تھاکہ بھارتی ہندتوا نظریہ کے حامیوں نے صدیوں پرانی بابری مسجد کو1992 میں المناک طور پر منہدم کردیا تھا ۔جس کے بعد آج اسی بابری مسجد کی جگہ رام مندر کی تعمیر اور افتتاح سے مسلمانوں کے جذبات مجروح ہوئے ۔اقوامِ متحدہ میں مستقل مندوب منیر اکرم نے اسلامی تعاون تنظیم کے سفیروں کے اجلاس میں شرکت کی۔مستقل مندوب منیر اکرم نے ایودھیا میں بابری مسجد کی جگہ رام مندر کی تعمیر کی مذمت کرتے ہوئے کہا صدیوں پرانی بابری مسجد کو 1992 میں المناک طور پر منہدم کیا گیا مسلم دنیا کو فوری نوٹس لینا چاہیے۔پاکستانی سفیر کا کہنا تھا کہ قابلِ مذمت فعل کے باوجود ذمے داروں کو بری کردیا گیا اور بابری مسجد کی جگہ پر مندر بنانے کی بھی اجازت دی گئی۔منیر اکرم نے مسئلے پر یو این الائنس فار سویلائزیشن کو لکھے خط کے مندراجات بھی پیش کئے۔او آئی سی نے بابری مسجد کے مقام پر رام مندر کی تعمیر اور افتتاح پر شدید تشویش کا اظہار کیا تھا۔۔