بارسلونا (نیوزڈیسک)کینیڈین حکومت نے غیر ملکی طلبہ کی کینیڈا آمد پر دو سال کیلئے پابندی لگادی ۔اعلیٰ حکام کے مطابق رہائش اور صحتِ عامہ پر دباؤ کے باعث غیر ملکی طلبہ کی آمد پر پابندی لگانا پڑی۔ کینیڈین حکومت کی جانب سے غیر ملکی طلباء کی آمد پر پابندی سے تعلیم کے اجازت ناموں اور متعلقہ ویزوں کے اجرا میں کم و بیش 35 فیصد کمی ہوجائے گی۔کینیڈا کے امیگریشن کے وزیر مارک مِلر نے کہا کہ کینیڈا رواں سال 3 لاکھ 60 ہزار غیر ملکی طلبہ کو اسٹڈی پرمٹ جاری کرے گا۔کینیڈا کے تمام صوبوں میں یکساں پالیسی اختیار کی گئی ، ہر صوبے کوقوانین پر عملدرآمد یقینی بنانے کیلئے غیر ملکی طلباء کی آمد روکنے میں کردار ادا کرنا ہوگا۔ پابندی کا اطلاق صرف ڈپلوما اور انڈر گریجویٹ پروگرمز کے بیرونی طلبہ پر ہوگا۔ اسٹڈی پرمٹ کی تجدید کرانے والے طلباء پر اطلاق نہیں ہوگا۔تعلیم مکمل کرنیوالے طلباء کو پبلک پرائیویٹ ماڈل کے صنعتی اور تجارتی اداروں میں ورک پرمٹ بھی جاری نہیں کیا جائے گا۔کینیڈا میں عام رہائشی یونٹ کی قیمت ساڑھے پانچ لاکھ امریکی ڈالرتک پہنچ چکی ہے ، کرایوں میں 22 فیصد تک اضافہ ہو چکا ہے۔