جیانگ شی ( اے بی این نیوز) چین کے صوبے جیانگ شی میں دکانوں میں آگ لگنے سے 39 افراد ہلاک اور 9 زخمی ہوگئے،چینی حکام کے مطابق آگ دکانوں کے زیر زمین فلور سے شروع ہوئی اور اس نے دیکھتے ہی دیکھتے نزدیکی دکانوں کو بھی لپیٹ میں لے لیا۔ زیر زمین فلور پر انٹرنیٹ کیفے بنا ہوا تھا،حادثے کے مقام پر آگ بجھانے کا کام اور امدادی سرگرمیاں جاری ہیں،دوسری جانب چین میں آتش بازی کا سامان لے جانیوالی گاڑی میں دھماکے کے بعد آگ لگتے ہی آتش بازی کا سماں بن گیا اور ٹریفک جام ہو گیا، خوش قسمتی سے کوئی جانی نقصان نہیں ہوا۔