اسلام آباد ( نیوز ڈیسک) وزارت خزانہ کی جانب سے آئندہ الیکشن کیلئے الیکشن کمیشن کو مزید فنڈز جاری کردیئے۔وزارت خزانہ کی جانب سے جاری اعلامیے کے مطابق الیکشن کمیشن کو 17 ارب 40 کروڑروپے جاری کردیئے ۔اعلامیہ میں بتایا گیا کہ وزارت خزانہ نے اس سے قبل 10 ارب روپے جاری کئے تھے اور اب مجموعی طور پر الیکشن کمیشن کو 27 ارب 40 کروڑ جاری کئے جا چکے ہیں۔واضح رہے کہ بجٹ میں الیکشن کے لیے 42 ارب روپے مختص کئے گئے تھے، الیکشن کمیشن نے فنڈز کا اجرا نہ ہونے پر گزشتہ روز سیکرٹری خزانہ کو طلب کیا تھا۔