اسلام آباد(نیوزڈیسک)سائفر کیس میں آفیشل سیکرٹ ایکٹ خصوصی عدالت کاسابق وزیراعظم عمران خان اورسابق وزیرخارجہ شاہ محمود قریشی پر فرد جرم عائد کرنے کا فیصلہ ۔خصوصی عدالت نے 12 دسمبر کو فرد جرم کی تاریخ مقرر کر دی۔ عدالت نے ریمارکس دیئے کہ ہائیکورٹ کی ڈائریکشن ہے ایک ماہ میں ٹرائل مکمل کرنا ہے۔سابق چیئرمین پی ٹی آئی اور شاہ محمود قریشی کوچالان کی نقول جاری کردیں، آئندہ تاریخ پر فرد جرم عائد کی جائے گی۔ فرد جرم میں نئی تحریر ہوگی، نقول میں سابق وزیر اعظم اور سابق وزیر خارجہ کو سائفر کیس میں قصوروار قرار دیا گیا۔آفیشل سیکرٹ ایکٹ کی خصوصی عدالت کے جج ابولحسنات ذوالقرنین نے سماعت کی۔ سائفر کیس کی سماعت ڈیڑھ گھنٹہ تک جاری رہی۔