اسلام آباد(نیوزڈیسک)سابق وزیرداخلہ شیخ رشید احمد نے کہا کہ 72 گھنٹوں کے آخری 5 اووروں میں نگران وزیراعظم کے نام کا فیصلہ آجائے گا ۔اگر اسحاق ڈار کا نام ڈراپ ہوگیا تو سمجھ لیں نواز شریف کا نام ناک آوٹ ہو گیا ہے کیونکہ اکاونٹینٹ میں اور اکانومسٹ میں بڑافرق ہوتا ہے IMF کی دوسری قسط بھی الیکشن سے مربوط ہے اور نگرانوں کو ملے گی کل پشاور کے ضمنی الیکشن میں پی ٹی آئی نے جے یوآئی کو 440 وولٹ کا کرنٹ لگادیاہے، مولانا فضل الرحمان اپناسمدھی گورنرتو لگوا سکتے ہیں لیکن اپنی پارٹی کو الیکشن نہیں جتوا سکتے. اگلی سیاست بھی اُن کی کٹی ہوئی پتنگ کی طرح ہوگی 8 دنوں میں قومی اسمبلی کو بلوں کی فیکٹری بنا دیا گیا ہے جمہوریت مجبوریت ہے اور چابی کا کھولنا ہے سپریم کورٹ نے الیکشن کمیشن کو الیکشن کی واضح خدوخال بتادیں ہیں بے شک نئی مردم شماری ہو الیکشن کمیشن کو اُسی باؤنڈری کے اندر کھیلنا ہے بردار یوسف شہباز شریف اور نواز شریف میں فاصلے بڑھ گئے ہیں نعرے نواز شریف کے لگوا رہے ہیں اندر اندر سے کام اپنا ڈلوا رہے ہیں۔