لاہور(نیوز ڈیسک) پاکستان تحریک انصاف (پی ٹی آئی) کے چیئرمین عمران خان نے کہا ہے کہ پی ڈی ایم ٹولہ انتخابات سے فرار چاہتا ہے ان کی کانپیں ٹانگ رہی ہیں،سپریم کورٹ کاحکم نہ مانا گیا تو قوم سڑکوں پر نکلے گی، آج غیرملکی ٹی وی کو انٹرویو دیتے ہوئے پاکستان تحریک انصاف کے چیئرمین عمران خان نے کہا کہ حکومت ہارنے سے گھبرا رہی ہے، رائےعامہ کے تمام جائزوں سے حکومتی شکست ظاہر ہے، اس لیے خوفزدہ ہیں، اسی لیے تو اآئین کی خلاف ورزی پر بھی آمادہ ہیں۔ انہوں نے مزید کہا کہ سپریم کورٹ کا انتخابات سےمتعلق فیصلہ خوش آئند ہے،90 دن میں انتخابات لازمی ہیں، لیکن پی ڈی ایم ٹولہ انتخابات سے فرار چاہتا ہے ان کی کانپیں ٹانگ رہی ہیں۔ انہوں نے کہا کہ یہ لوگ سپریم کورٹ پرحملے کی کوشش کر رہے ہیں ،یہ عدالت عظمیٰ میں تقسیم پیدا کررہے ہیں ۔ انہوں نے کہا کہ الیکشن سے فرار اختیار توہین عدالت ہو گا،سپریم کورٹ کاحکم نہ مانا گیا تو قوم سڑکوں پر نکلے گی۔