دوحہ (اے بی این نیوز)وفاقی وزیر داخلہ محسن نقوی نے قطر کے دارالحکومت دوحہ میں قطری وزیر داخلہ خلیفہ بن حمد سے ملاقات کی، جس میں پاکستان اور قطر کے درمیان سکیورٹی تعاون، دوطرفہ تعلقات اور باہمی شراکت داری کو مزید مضبوط بنانے کے مختلف پہلوؤں پر تبادلہ خیال کیا گیا۔
ملاقات کے دوران دونوں رہنماؤں نے سکیورٹی تعاون کو مزید فروغ دینے، مشترکہ مفادات کے شعبوں میں تعاون بڑھانے اور دونوں برادر ممالک کے درمیان تعلقات کو نئی جہت دینے کے امکانات کا جائزہ لیا۔
شاهد🎥
سعادة الشيخ خليفة بن حمد بن خليفة آل ثاني، وزير الداخلية وقائد قوة الأمن الداخلي “لخويا”، لدى استقباله سعادة السيد محسن رضا نقوي، وزير الداخلية ومكافحة المخدرات بجمهورية باكستان الإسلامية الشقيقة. #قطر #الداخلية_قطر #باكستان #بروق pic.twitter.com/PJMOZfaQLC— Brouq – بروق (@Brouq_qatar) July 27, 2026
قطری وزیر داخلہ کا کہنا تھا کہ ملاقات میں دوطرفہ شراکت داری کو مزید مستحکم بنانے، باہمی تعاون کے فروغ اور خطے میں امن، سلامتی اور استحکام کے لیے مشترکہ عزم کا بھی اعادہ کیا گیا۔
دونوں وزرائے داخلہ نے اس بات پر اتفاق کیا کہ پاکستان اور قطر کے درمیان قریبی تعاون دونوں ممالک کے مفاد میں ہے اور مستقبل میں مختلف شعبوں بالخصوص سکیورٹی کے میدان میں تعاون کو مزید وسعت دی جائے گی۔
مزید پڑھیں:آزاد کشمیر انتخابات 2026، پولنگ اسٹیشن کے غیر سرکاری اور غیر حتمی نتائج سامنے آگئے
