تہران (اے بی این نیوز) ایرانی حکام نے شہید سپریم لیڈر آیت اللہ سید علی خامنہ ای کی تدفین کی تیاریاں شروع کر دی ہیں۔
ایرانی خبر رساں ادارے کے مطابق تہران کے ڈپٹی میئر برائے سماجی اور ثقافتی امور محمد امین توکل زادہ نے آیت اللہ علی خامنہ ای کی تدفین کے حوالے سے نئی تفصیلات جاری کرتے ہوئے کہا ہے کہ تدفین سے قبل 3 دن تک عوامی تقریبات کا اہتمام کیا جا رہا ہے۔
محمد امین توکل زادہ کے مطابق تین روزہ سوگ کے دوران عوام کو مرحوم رہنما کو خراج عقیدت پیش کرنے کا موقع دیا جائے گا۔
انہوں نے کہا کہ عوامی تقریبات کے بعد نماز جنازہ ادا کی جائے گی جس کے بعد باقاعدہ جلوس کا آغاز ہو گا۔ ان کے مطابق تہران میں جلوس کم از کم 24 گھنٹے جاری رہنے کا امکان ہے۔
توکل زادہ نے مزید کہا کہ اس کے بعد ایران کے اہم مذہبی مراکز قم اور مشہد میں بھی تقریبات جاری رہیں گی۔ ان کے مطابق، تدفین سید علی خامنہ ای کی خواہش کے مطابق مشہد میں امام رضا کے مزار کے قریب ہونے کا امکان ہے۔
ایرانی حکام کے مطابق یہ ممکنہ طور پر ملک کی جدید تاریخ کے سب سے بڑے عوامی اجتماعات میں سے ایک ہوگا۔ تاواکولی زادہ نے کہا کہ تہران میں اس طرح کے انتظامات کیے جا رہے ہیں کہ ان تقریبات میں 15 ملین سے 20 ملین افراد شرکت کر سکیں۔
ایرانی حکام کا کہنا ہے کہ انتظامات کی نگرانی ایران کے پاسداران انقلاب کرے گی، جبکہ میونسپل حکام اور دیگر ریاستی ادارے رسد اور عوامی سہولیات کی فراہمی میں مدد کریں گے۔
واضح رہے کہ ایران کے سابق سپریم لیڈر آیت اللہ سید علی خامنہ ای ایران ایران جنگ کے آغاز میں ابتدائی امریکی اور اسرائیلی حملوں میں شہید ہو گئے تھے۔
مزید پڑھیں:بڑی خبر، وفاقی بجٹ میں تاخیر کی ممکنہ وجہ سامنے آگئی
