مدینہ (اے بی این نیوز) مدینہ انتظامیہ نے یوم عرفہ اور عید کی نماز کے لیے شٹل سروس شروع کرنے کا اعلان کیا ہے۔
سعودی پریس ایجنسی کے مطابق مدینہ بس انتظامیہ نے یوم عرفہ اور عیدالاضحی کی نماز کے مبارک موقعوں پر مسجد نبوی اور مسجد قبا کے لیے خصوصی شٹل بس سروس کو فعال کرنے کا اعلان کیا ہے۔
اس اقدام کا مقصد عام پبلک ٹرانسپورٹ کے شیڈول کو متاثر کیے بغیر عازمین اور نمازیوں کی نقل و حرکت کو آسان بنانا اور ٹریفک کی روانی کو بہتر بنانا ہے۔ یہ خصوصی سروس یوم عرفہ کی دوپہر 12 بجے سے عشاء کی نماز کے بعد ایک گھنٹہ تک مختلف مقررہ راستوں اور اسٹیشنز کے ذریعے چلائی جائے گی۔
ان راستوں میں سید الشہداء اسٹیشن، السلام کالج اسٹیشن، اور ضلع شازا سے مسجد نبوی تک کے راستے شامل ہیں۔ اس کے علاوہ گارڈن اسٹیشن سے مسجد نبوی تک اور العالیہ اسٹیشن سے مسجد قبا تک بسیں بھی چلائی جائیں گی۔
عید الاضحی کے پہلے دن مسجد نبوی اور مسجد قبا جانے والے نمازیوں کی سہولت کے لیے کئی اہم روٹس صبح 8 بجے تک مسلسل چلتے رہیں گے۔
ان راستوں میں خاص طور پر سید الشہداء، الاسلم کالج اور العلیہ اسٹیشن کے راستے شامل ہیں تاکہ نماز عید کے لیے آنے والے لوگوں کو کسی قسم کی پریشانی کا سامنا نہ کرنا پڑے۔
مزید پڑھیں:پاکستانی حجاج کرام کیلئے اہم اعلان،خصوصی ویڈیو پیغام جاری
