لاہور (اے بی این نیوز) پاکستان بار کونسل کے انتخابات میں پنجاب کی 11 میں سے 10 نشستوں کے غیر سرکاری نتائج سامنے آ گئے۔
وفاقی وزیر قانون اعظم نذیر تارڑ کا کہنا ہے کہ عاصمہ جہانگیر گروپ نے پاکستان بار کونسل کی پنجاب کی 11 میں سے 8 نشستیں جیت لی ہیں۔
انہوں نے کہا کہ حامد خان گروپ کے امیدوار 2 نشستوں پر کامیاب ہوئے ہیں۔
غیر حتمی غیر سرکاری نتائج کے مطابق حامد خان گروپ کے سلمان اکرم راجہ اور شفقت چوہان پاکستان بار کونسل کے ممبر منتخب ہو گئے ہیں۔
اعظم نذیر تارڑ، احسن بھون، پیر مسعود چشتی، عامر سعید راں، طاہر نصیر اللہ وڑائچ، حفیظ الرحمان چوہدری، ثاقب اکرم گوندل اور عاصمہ جہانگیر گروپ کے سید قلب حسن پاکستان بار کونسل کے ممبر منتخب ہوئے ہیں۔
کامیاب امیدواروں کے حتمی نتائج کا اعلان 22 دسمبر کو کیا جائے گا۔
مزید پڑھیں:زلزلے کے جھٹکے
