لاہور(نیوز ڈیسک ) لاہور سمیت پنجاب بھر کے تعلیمی بورڈز نے انٹرمیڈیٹ کے دوسرے سالانہ امتحان کے نتائج جاری کر دیئے۔لاہور بورڈ آف انٹرمیڈیٹ اینڈ سیکنڈری ایجوکیشن (BISE) کے زیر اہتمام دوسرے سالانہ امتحانات میں 49,465 امیدواروں نے شرکت کی۔31,329 امیدوار امتحان میں ناکام ہوئے جبکہ صرف 18,136 امیدوار کامیاب ہوئے۔ امتحان میں کامیابی کا تناسب 36 فیصد سے زیادہ رہا۔
گوجرانوالہ تعلیمی بورڈ
گوجرانوالہ تعلیمی بورڈ کے دوسرے سالانہ امتحانات 2024 میں 34,895 امیدواروں نے شرکت کی۔کنٹرولر امتحانات گوجرانوالہ بورڈ کے مطابق 21 ہزار 911 امیدوار دوبارہ امتحان میں فیل ہوئے جبکہ 12 ہزار 985 امیدوار کامیاب قرار پائے۔ امتحانات میں کامیابی کا تناسب 37.21 فیصد رہا۔

ملتان تعلیمی بورڈ
دریں اثناء ملتان تعلیمی بورڈ نے انٹر 2024 کے دوسرے سالانہ امتحانات کا اعلان کر دیا۔ملتان تعلیمی بورڈ کے زیر اہتمام انٹرمیڈیٹ کے دوسرے سالانہ امتحانات میں 16 ہزار 774 امیدواروں نے شرکت کی جن میں سے صرف 6 ہزار 630 کامیاب ہوئے، امتحان میں کامیابی کا تناسب 39.53 فیصد رہا۔بورڈ انتظامیہ کے مطابق امتحان کے لیے 28 سینٹرز بنائے گئے تھے اور جعل سازی کرنے والے 5 امیدواروں کو سزائیں دی گئیں۔