کشمور(نیوز ڈیسک ) سندھ کے ضلع کشمور میں ڈاکوؤں نے پولیس کی بکتر بند گاڑی پر راکٹ لانچر سے حملہ کردیا۔میڈیا رپورٹ کے مطابق کشمور کے علاقے گہال پور میں ڈاکوؤں نے پولیس کی بکتر بند گاڑی پر راکٹ لانچر سے حملہ کیا۔
رپورٹ میں بتایا گیا کہ حملے کے دوران پولیس اہلکار محفوظ رہے، جب کہ دو راہگیر شدید زخمی ہوئے۔ریسکیو حکام کے مطابق زخمی ارسلہ شر اور شبیر شر کو طبی امداد کے لیے کشمور کے متعلقہ اسپتال منتقل کر دیا گیا ہے۔
ریسکیو حکام نے مزید بتایا کہ ایک زخمی کی حالت تشویشناک بتائی جاتی ہے اور اسے علاج کے لیے پنجاب کے ضلع رحیم یار خان کے اسپتال منتقل کر دیا گیا ہے۔حملے کی اطلاع ملتے ہی کچے کے علاقے میں کارروائی کے لیے پولیس کی مزید نفری طلب کر لی گئی۔
مزید پڑھیں: دیوار پر ٹیپ سے چپکے کیلے کے قیمت 10 لاکھ ڈالر کیوں؟
