کراچی ( نیوز ڈیسک )سکھر انسٹی ٹیوٹ آف بزنس ایڈمنسٹریشن (آئی بی اے) کے تحت سندھ کے میڈیکل کالجز میں داخلے کے لیے ٹیسٹ کی نئی تاریخ کا اعلان کردیا گیا۔

محکمہ صحت سندھ کے ترجمان کے مطابق سندھ کے کالجوں میں داخلے کے لیے دوبارہ ٹیسٹ 8 دسمبر کو صوبے میں ہوں گے، ایم ڈی سی اے ٹی کا دوبارہ ٹیسٹ سکھر آئی بی اے کے ذریعے لیا جائے گا۔

ترجمان کے مطابق کراچی میں تین، حیدرآباد اور میرپورخاص میں ایک، ایک اور نواب شاہ، سکھر اور لاڑکانہ میں ایک ایک سینٹر قائم کیا جائے گا۔محکمہ صحت سندھ کے ترجمان کے مطابق ایم ڈی کیٹ کے امتحان میں سندھ بھر سے 38 ہزار 609 طلباء و طالبات شرکت کریں گے۔انہوں نے کہا کہ ایم ڈی سی اے ٹی کے ٹیسٹ 8 دسمبر کو آئی بی اے سکھر کے تحت دوبارہ لئے جائیں گے۔
مزید پڑھیں: ستاروں کی روشنی میں آج بروزجمعرات21نومبر 2024اپنے کیرئر، شادی ،صحت اور دن بارے جانئے