اسلام آباد( نیوز ڈیسک )فیڈرل بورڈ آف ریونیو (ایف بی آر) ان افراد کے سم کارڈ بلاک کرنے میں ناکامی پر موبائل فون کمپنیوں پر بھاری جرمانے عائد کرنے کی تیاری کر رہا ہے جنہوں نے اپنے انکم ٹیکس گوشوارے جمع نہیں کرائے ہیں۔
تاہم، ان سزاؤں پر عمل درآمد ابھی باقی ہے کیونکہ ایف بی آر کو باضابطہ نوٹیفکیشن جاری کرنے کی ضرورت ہے۔فنانس بل 2024 میں ابتدائی طور پر عدم تعمیل کی پہلی مثال کے لیے 100 ملین روپے اور بعد میں نادہندگان کے لیے 200 ملین روپے کا بھاری جرمانہ تجویز کیا گیا تھا۔
یہ جرمانہ ان کمپنیوں پر عائد کیا گیا جو 15 دنوں کے اندر ایف بی آر کی جانب سے جاری کردہ انکم ٹیکس جنرل آرڈر کی تعمیل کرنے میں ناکام رہیں۔تاہم، بل میں ترامیم نے ان جرمانے کو بالترتیب 50 ملین اور 100 ملین روپے کر دیا ہے۔
ترمیم شدہ بل ایف بی آر کو ان سزاؤں کی موثر تاریخ کا تعین کرنے کا اختیار بھی دیتا ہے۔اس کا مطلب یہ ہے کہ جرمانے صرف اس وقت لاگو ہوں گے جب ایف بی آر کی جانب سے نفاذ کی تاریخ کا اعلان کرتے ہوئے نوٹیفکیشن جاری کیا جائے گا۔
ٹیکس ماہرین نے اس بات پر روشنی ڈالی ہے کہ ایف بی آر کے یہ جرمانے عائد کرنے کے اقدام کا مقصد ٹیکس کی تعمیل کی حوصلہ افزائی کرنا اور غیر رجسٹرڈ سم کارڈز کے استعمال کو روکنا ہے۔نوٹیفکیشن جلد جاری ہونے کی توقع ہے جس کے بعد موبائل فون کمپنیوں کو نئے ضوابط کی پابندی کرنا ہوگی۔
مزید پڑھیں: بلوچستان کا پنجاب اور خیبرپختوانخوا سے رابطہ منقطع،وجوہات سامنے آگئیں
