کراچی ( اے بی این نیوز ) خورشید شا ہ نے کہا ہے کہ پیپلز پارٹی پی ٹی آئی کے حمایت یافتہ آزاد امیدواروں سے رابطہ نہیں کرے گی ان کی پارٹی قومی اسمبلی میں اپنی طاقت بڑھانے کے لیے پی ٹی آئی کے حمایت یافتہ آزاد امیدواروں کو جہاز میں نہیں لے گی۔خورشید شاہ نے کہا کہ “ہم صرف آزاد امیدواروں سے رابطہ کریں گے، پی ٹی آئی کے حمایت یافتہ امیدواروں سے نہیں،عام انتخابات 2024 کے بعد عوام کے مینڈیٹ کا احترام کرنے کی
مزید پڑھیں :الیکشن،کوئی جماعت واضح اکثریت حاصل نہیں کرسکےگی،خورشید شاہ
ضرورت پر زور دیا اور سیاسی جماعتوں پر زور دیا کہ وہ پی ٹی آئی کے حمایت یافتہ آزاد امیدواروں کی شمولیت کے خلاف ہوں۔پیپلز پارٹی دوسروں کو چرا کر اپنا مینڈیٹ بڑھانے میں دلچسپی نہیں رکھتی۔ایک سوال کے جواب میں سابق وفاقی وزیر نے کہا کہ نواز شریف الیکشن ہار چکے ہیں اور ان کا چوتھی بار وزیراعظم بننا اخلاقی طور پر درست نہیں۔پی پی پی رہنما نے ملک کی بہتری کے لیے انتخابات میں منقسم مینڈیٹ کے بعد تمام جماعتوں کو مذاکرات کی دعوت دی۔نو از شریف کو اخلاقاً وزیر اعظم کے عہدے کا امیدوار نہیں بننا چاہیے،نوا ز شریف کے انتخاب پر کئی سوالیہ نشان ہیں،یہ تاثر عام ہے کہ انہیں جتوایا گیا،وزیر اعظم کے عہدے کیلئے شہباز شریف یا ایاز صادق متبادل امیدوار ہوسکتےہیں،پی ٹی آئی کے حمایت یافتہ ممبران اسمبلی کو نہیں توڑنا چاہیے،ہمیں کسی کے مینڈیٹ پر ہاتھ نہیں ڈالنا چاہیے،پیپلز پارٹی کسی اورجماعت کے منتخب ممبر ساتھ شامل نہیں کرے گی،مسلم لیگ نواز کو بھی تعداد کے پیچھے نہیں بھاگنا چاہیے۔
