دنیا بھر میں سالِ نو کا آغاز کچھ اہم تقریبات کے ساتھ ہو گا۔ یکم جنوری کو رومانیہ اور بلغاریہ یورپی یونین میں شامل ہونے کے 17 سال بعد شینگن علاقے میں مکمل طور پر شامل ہوں گے، جس سے یورپ کی کھلی سرحدوں کا ایک نیا باب کھلے گا۔

5 سے 10 جنوری تک لاس ویگاس میں دنیا کا سب سے بڑا الیکٹرانکس ایکسپو منعقد ہوگا، جہاں مختلف کمپنیاں اور اسٹارٹ اپس مصنوعی ذہانت (AI) کی ایڈوانسمنٹ کو پیش کریں گے، جو نقل و حرکت، روبوٹکس، ہیلتھ ٹیک، دفاع، خلائی تحقیقات، ریٹیل اور انٹرٹینمنٹ کے شعبوں میں استعمال ہو گی۔

8 جنوری سے برطانیہ جانے کے خواہشمند غیر یورپی افراد کو الیکٹرانک ٹریول اتھارٹی (ETA) کی ضرورت ہوگی، جس کی قیمت 10 پاؤنڈ رکھی گئی ہے۔

20 جنوری کو ڈونلڈ ٹرمپ اپنے عہدے کا حلف اٹھائیں گے اور اپنی دوسری مدتِ صدارت کا باقاعدہ آغاز کریں گے، ان کی وائٹ ہاؤس میں واپسی امریکی تاریخ میں سب سے اہم سیاسی واپسی سمجھی جا رہی ہے۔

جرمنی کے شہر ویز باڈن میں واقع نیٹو کا ایک نیا مشن یوکرین کے لیے مغربی افواج کی امداد کے لیے اپنی ذمہ داریاں سنبھالے گا، اور اسے ڈونلڈ ٹرمپ کی مداخلت کے خلاف امدادی طریقہ کار کی حفاظت کی کوشش کے طور پر دیکھا جا رہا ہے۔

27 جنوری کو پولینڈ میں ہولوکاسٹ کے 80 سال مکمل ہونے کی مناسبت سے عالمی رہنما ہولوکاسٹ سے بچ جانے والے عمر رسیدہ افراد سے ملاقات کریں گے۔

29 جنوری کو چین سانپ کے نئے سال کی تقریبات کا آغاز کرے گا، جو کہ وجدان، سکون اور ذہانت کا سال قرار دیا جاتا ہے۔