اجزا:
قیمہ(موٹا کُٹا ہوا) 1/2 کلو
ہری مرچیں(چوپ کر لیں) 1/2 کپ
پیاز(سلائس کاٹ لیں) 1 عدد
تیل 1/2 کپ
ٹماٹر(چوکور کاٹ لیں) 3 عدد
زیرہ 1 چائے کا چمچ
ثابت دھنیا 1 چائے کا چمچ
لہسن
ادرک پیسٹ 1 چائے کا چمچ
ناریل(بھون کر پیس لیں) 2چمچ
بادام 8 عدد
ہلدی پاؤڈر 1/2 چائے کا چمچہ
نمک حسب ذائقہ
ہری مرچیں
ہرا دھنیا گارنشنگ
اسموک بادامی قیمہ بنانے کی ترکیب:
ایک دیگچی میں تیل گرم کر کے پیاز ڈال کر ہری مرچیں فرائی کریں۔ قیمہ ڈال کر تیز آنچ پر فرائی کریں کہ قیمے کا پانی سوکھ جائے۔پھر لہسن، ادرک پیسٹ، ہلدی پاؤڈر اور نمک ڈال کر بھونیں۔ ٹماٹر ڈال کر ڈھکن لگا کر پکائیں۔ ٹماٹر نرم ہو جائیں تو قیمہ بھون لیں اور بادام، زیرہ، ثابت دھنیا، ناریل پاؤڈر ڈالیں۔ مکس کر کے 2 منٹ پکائیں۔ کوئلہ دہکا کر قیمے پر رکھیں۔ 1/2 چائے کا چمچہ تیل ڈال کر ڈھکن لگا دیں کہ اسموک قیمے میں بس جائے۔سرونگ ڈش میں نکال کر ہری مرچوں، ہرے دھنیے اور بادام سے گارنش کر دیں۔