شدید گرمی میں ٹھنڈے مشروب پینے سے بھلا کون انکار گا ،سب کا جی گرمی میں ٹھنڈے مشروبات پینے کو چاہے گا لیکن کولڈ ڈرنکس سے بہتر ہمیں دیسی مشروبات استعمال کرنے چاہیں جو صرف وقتی تسکین ہی نہ دیں بلکہ تاثیر کے بھی ٹھنڈے ہوں ۔ ہم آج آپ کو ایسے ہی ایک مشروب کے بارے میں بتائیں گے ۔
پشاوری حکیمی بنانے کیلئے اجزاء
تلسی کے بیج (تخ ملنگا) ۔۔۔۔۔۔۔250 گرام
گوند کتیرا ۔۔۔۔۔۔۔250 گرام
اسپغول کا چھلکا ۔۔۔۔۔۔۔250 گرام
صندل کا شربت ۔۔۔۔۔۔۔2 لیٹر
پانی ۔۔۔۔۔۔۔30 لیٹر
بادام ۔۔۔۔۔۔۔200 گرام باریک کٹے ہوئے
چارمغز۔۔۔۔۔۔۔ 150 گرام
برف۔۔۔۔۔۔۔ شربت ٹھنڈا کرنے کے لیے
چینی 2۔۔۔۔۔۔۔ کلو گرام
پشاوری حکیمی شربت بنانے کا طریقہ
سب سے پہلے رات کو تلسی کے بیج،گوند کتیرا،اسپغول کا چھلکا چارمغز اور بادام کو رات بھر پانی میں بھگو کر رکھیں جب شربت بنانا ہو اس میں یہ ساری چیز لیں ڈالیں اچھی طرح مکس کریں ، اس کے بعد صندل کا شرب چینی اور پانی ڈالیں پھر برف سب کو اچھی طرح مکس کر دیں ، گارنشنگ کے لیے اوپر سے کٹے بادام اور چارمغز ڈال لیں، لیں جی آپ کا اصل ٹھنڈا پشاوری حکیم شربت تیار ہے ،نوش فرمائیں۔