اسلام آباد (اے بی این نیوز   ) آج ہم آپ کو سکھائیں گے کہ لبنانی کباب کیسے بنتے ہیں توتیار ہو جائیں،اس کے لئے آپ کو اُبلی میکرونی ،ایک پیالی،گائے یا بکری کا قیمہ، ایک کلو،ڈبل روٹی کا چورا، ایک پیکٹ، انڈے ، 2 عدد، چھلے اور اُبلے مٹر ، ایک پیالی، درمیانی پیاز، 3 عدد، ٹماٹر، 3 عدد، ہری مرچ، 6-8 عدد، کُٹی کالی مرچ ، ایک چائے کا چمچہ، ادرک لہسن کا پیسٹ ، ایک چائے کا چمچہ، اُبلے آلو ، 3 عدد، تیل، حسبِ ضرورت درکار ہو گا،سب چیزیں لے کر اب آپ نے ایک پتیلی میں ایک کلوقیمہ،ایک چائے کا چمچہ ادرک لہسن کا پیسٹ،3 عدددرمیانی پیازباریک کتری ہوئی اور حسبِ ذائقہ نمک ڈال کر ہلکی آنچ پر اسی کے پانی میں اُبال لیں، جب پانی خشک ہو جائے تو اس میں 3 عددٹماٹر،6-8 عدد ہری مرچ،ایک پیالی چھلے اور اُبلے مٹر اور ایک پیالی اُبلی میکرونی ملا کر چوپر میں پیس لیں، جب قیمہ باریک پیس لیں تو اس میں ایک چائے کا چمچہ کُٹی کالی مرچ شامل کر کے رول کی شکل کے کباب بنا اس کے بعدکبابوں کو 2 عدد پھینٹے ہوئے انڈوں میں لگائیں اور ڈبل روٹی کا چورا لگا کر ہلکی آنچ پر ڈیپ فرائی کر لیں، جب کباب اچھی طرح براؤن ہو جائیں تو اُنھیں نکال کرٹشو پیپر پر رکھیں تاکہ چکنائی جذب ہو جائے اور اب کیچپ یا چٹنی کے ساتھ اسے مزے لے لے کر کھائیں۔