لاہور(اے بی این نیوز)بابا گرونانک کے جنم کے موقع پر5 نومبر کو ضلع ننکانہ صاحب میں عام تعطیل ہوگی۔ڈپٹی کمشنر ننکانہ تسلیم اختر راؤ نے 5 نومبر کو ضلع میں عام تعطیل کا نوٹیفکیشن جاری کیا ہے۔

ترجمان ضلعی انتظامیہ کے مطابق کل 5 نومبر کو ضلع کے تمام سرکاری ادارے،اسکول و کالجز بند رہیں گے۔واضح رہے کہ سکھوں کے روحانی پیشوا گورو نانک کے 556 ویں جنم دن کی 3 روزہ تقریبات کا آغاز ننکانہ صاحب میں ہوگیا، جہاں یاتریوں کی آمد کا سلسلہ جاری ہے، اندرون و بیرون ممالک سے ہزاروں سکھ یاتری مرکزی تقریب میں شریک ہونگے۔

ضلعی انتظامیہ کی جانب سے سکھ یاتریوں کی حفاظت کیلئے سیکیورٹی کے بھی فول پروف انتظامات کئے گئے ہیں، 5 ہزار سے زائد افسران و اہلکاران یاتریوں کی خدمت پر مامور ہوں گے، ضلعی انتظامیہ کی جانب سے سہولت مرکز، بینک اور منی ایکسچینج کا قیام کا انتظام بھی کیا گیا ہے۔
مزید پڑھیں: سپریم کورٹ کی بیسمنٹ میں سلنڈر کا زور دار دھماکا،4افراد زخمی