اسلام آباد(اے بی این نیوز)اسلام آباد ہائیکورٹ میں شہریار آفریدی کو اے کلاس فراہمی اور فیملی سے ملاقات کی درخواست پر سماعت ،جیل میں اے کلاس فراہمی اور میڈیکل سے متعلق شہریار آفریدی کی درخواست پر فیصلہ محفوظ، جسٹس ارباب محمد طاہر نے کیس کی سماعت کی ،جیل حکام نے شہریار آفریدی کو سیل میں رکھے جانے کی تصدیق کردی ،جیل حکام کا کہنا تھا کہ شہر یار آفریدی سیل میں موجو د ہیں لیکن ڈیتھ سیل میں نہیں ہیں ، جسٹس ارباب محمد طاہر نے پوچھا کہ آپ اعتراف کر رہے ہیں کہ ان کو سیل میں رکھا گیا ہے ،جیل حکام نے جواب دیا کہ یہ ہائی پروفائل شخصیت ہے بیرک میں نہیں رکھا جا سکتا ، اسٹیٹ کونسل جیل میں کلاس کی تبدیلی سے متعلق ڈی سی کو لکھا ہے ،وکیل شہریار آفریدی شیر افضل مروت نے کہا کہ جیل میں گنجائش سے زائد قیدی ہیں ، اڈیالہ جیل حکام عدالتی حکم کے باوجود مجھے شہریار آفریدی سے ملنے نہیں دیا گیا ، شہریار آفریدی سے فواد چوہدری کی بغیر آرڈر کے جیل حکام نے ملاقات کرا دی ، جتنے افراد نے پریس کانفرنسز کیں ان کے پیچھے ڈیتھ سیل ہے ،عدالت نے فریقین کے دلائل کے بعد فیصلہ کر لیا۔
