اسلام آباد(اے بی این نیوز)وزیر مملکت برائے خزانہ عائشہ غوث پاشا کی میڈیا سے گفتگو کرتے ہوئے کہا کہ آئی ایم ایف مشن چیف نیھتن پورٹر کا بیان پاکستان کے داخلی معاملات میں مداخلت ہے ،آئی ایم ایف مشن چیف کا بیان غیر معمولی نوعیت کا ہے،پاکستان کے اندرونی معاملات میں مداخلت آئی ایم ایف کا مینڈیٹ نہیں ہے،قرض پروگرام میں تاخیر پاکستان اور آئی ایم ایف دونوں کے مفاد میں نہیں،وزیراعظم نے ایم ڈی آئی ایم ایف کو شرائط پر عمل درآمد اور پروگرام مکمل کرنے کی یقین دیہانی کرائی ہے،امید ہے نئے بجٹ سے پہلے اسٹاف لیول معائدہ ہو جائے گا،30 جون کو آئی ایم ایف پروگرام ختم ہو جائے گا،آئی ایم ایف سے ڈیل نہ ہوئی تو وزارت خزانہ آنکھیں بند کرکے نہیں بیٹھی،ہر وقت پلان بی بھی موجود ہوتا ہے، ہماری ترجیح آئی ایم ایف پروگرام ہے،نئے مالی سال کا بجٹ الیکشن ایئر بجٹ ہوگا،کوشش ہوگی عام آدمی پر مزید بوجھ نہ ڈالا جائے،آئی ایم ایف پاکستان کو ٹارگٹڈ سبسڈی کی اجازت دیتا ہے
