اسلام آباد(اے بی این نیوز)وزیراعظم شہبازشریف نے سماجی رابطوں کی ویب سائٹ پر اپنے بیان میں کہا کہ مذاکرات سیاسی عمل کا کلیدی جزو ہیں جو جمہوریت کے ارتقاء میں اپنا اہم کردار ادا کرتے ہیں۔تاریخ ایسے سیاسی اور آئینی کامیابیوں سے بھری پڑی ہے جب سیاسی قائدینمذاکرت کی میز پر بیٹھے اور قومی امور پر اتفاقِ رائے قائم ہوا،تاہم ایک بنیادی فرق یہ ہے کہ انتشار اور گھیراؤ جلاؤکرنے والے لوگ جو خود کو نام نہاد سیاستدان کہلواتے ہیں ان کے ساتھ مذاکرات نہیں ہوسکتے ان کے عسکریت پسندانہ اقدامات کیلئے احتساب ہونا چاہئے،یہ کوئی معیوب بات نہیں،دنیا کی ترقی یافتہ جمہوریتوں میں بھی ایسے لوگوں کا محاسبہ کیا جاتا ہے۔