شمالی وزیرستان(  اے بی این نیوز  ) دتہ خیل میں ایک گاڑی میں سوار خودکش بمبار نے خود کو دھماکے سے اڑا لیا۔جس کے نتیجے میں پاک فوج کے نائیک سید اللہ شاہ اور سپاہی جواد خان، خیبر پختونخوا پولیس ڈیپارٹمنٹ کے پولیس کانسٹیبل حکیم جان اور ایک بے گناہ شہری نے شہادت قبول کی۔نائیک سید اللہ شاہ 33 سالہ چارسدہ کا رہائشی تھا اور سپاہی جواد خان 31 سال کا تھا، پاک فوج کے ضلع ہری پور کا رہائشی تھا، پولیس کانسٹیبل حکیم جان ضلع شمالی وزیرستان کا رہائشی تھا۔خودکش حملہ آور کا ارادہ ایک عوامی اجتماع کو نشانہ بنانا تھا لیکن سیکورٹی فورسز کے اہلکاروں کی جانب سے فوری جوابی کارروائی نے ایک بڑی تباہی کو روک دیا کیونکہ فوجیوں نے فوری طور پر خودکش حملہ آور کی گاڑی کو شک کی بنیاد پر روک لیا اور متعدد معصوم جانوں کو بچانے کے لیے اپنی جانوں کا نذرانہ پیش کیا۔آئی ایس پی آر کے مطابق پاکستان کی سیکیورٹی فورسز اور قانون نافذ کرنے والے ادارے دہشت گردی کی لعنت کے خاتمے کے لیے پرعزم ہیں اور ہمارے بہادر فوجیوں اور معصوم شہریوں کی ایسی قربانیاں ہمارے عزم کو مزید مضبوط کرتی ہیں۔