اسلام آباد(نیوزڈیسک)وزیراعظم شہباز شریف نےپاکستانی کوہ پیما نائلہ کیانی کو ستارہ امتیاز دینے کا اعلان ۔وزیراعظم آفس نے سیکرٹری کابینہ کو ضابطے کی کارروائی مکمل کرنے کی بھی ہدایت کردی ہے۔قبل ازیں نائلہ کیانی نے حال ہی میں سطح سمندر سے 8091 میٹر بلند دنیا کے 10ویں بلند ترین پہاڑ اناپورنا کو بھی سر کرنے کا کارنامہ سر انجام دیا تھا۔ وزیراعظم شہباز شریف کی ہدایت پر خاتون کوہ پیما نائلہ کیانی کو ستارہ امتیاز دینے کا باضابطہ نوٹیفیکیشن جاری کردیا گیا ۔واضح رہے کہ سال 2013 میں ثمینہ بیگ پہلی پاکستانی خاتون تھیں جنہوں نے ماؤنٹ ایورسٹ سر کی تھی۔