کراچی(نیوزڈیسک)سابق وفاقی وزیرخزانہ اور ن لیگی رہنما مفتاح اسماعیل کا کہنا ہے کہ صاحب اقتدار لوگوں نے 75 سال سے عوام کیساتھ زیادتی کی۔ملک کو درست سمت نہیں دے سکے نہ ہی قوم کی بنیاد ڈال سکے ۔مفتاح اسماعیل کاامریکی نشریاتی ادارے سے گفتگو میں کہنا تھا کہ پاکستان اپنی برابری کے دیگر ممالک سے بہت پیچھے ہے۔ ہماری سمت غلط ہے تو یہ سمت بدلنا ہوگی۔سابق وزیرخزانہ مفتاح اسماعیل کا مزید کہنا تھا کہ کوئی رکن اسمبلی اس پر بات نہیں کرتا پاکستان میں سیاست اقتدار کی جنگ میں تبدیل ہوچکی۔ ہمارے سیاسی لیڈروں کے بیانات اور ایک دوسرے پر طعنے ،میں اسے جیل میں ڈال دوں گا اور وہ اس کو جیل میں ڈال دے گا جیسی دھمکیاں سیاست کو پراگندہ کررہے ہیںانہوں نے کہا کہ عوام کی بات کس سیاسی پارٹی نے نہیں کی ۔ کس سیاسی پارٹی نے غربت کے خاتمے، خاندانی منصوبہ بندی کیلئے لائحہ عمل مرتب کیا۔ کس پاکستانی نے روزگار پیدا کرنے اور عوام کوحق دلانے کی بات کی ہے۔ پاکستانی سیاسی پارٹیاں بدنام ہوچکی ہیں ۔ صرف اپنے لیڈران کا مفاد اور انہیں اقتدار میں لانا چاہتی ہیں۔ اس کے علاوہ کسی بھی سیاسی پارٹی نے کیا کوئی بات کی ۔