گھوٹکی(نیوز ڈیسک) سندھ کے ضلع گھوٹکی کے تھانا گیمبڑو میں پولیس چوکی پر ڈاکوؤں نے حملہ کردیا جس میں 2 پولیس اہلکار شہید اور ایک زخمی ہوگیا۔پولیس ذرائع کے مطابق 10 سے زائد ڈاکوؤں نے رات کے اوقات میں پولیس چوکی پر حملہ کیا ،جس کی وجہ سے 2 پولیس اہلکار شہید اور ایک زخمی ہوا تھا ، پولیس ڈاکوؤں کا تعاقب کررہی ہے، شبہ ہے حملہ ڈاکوؤں کے جاگیرانی گروہ نے کیا ہے۔ واضح رہے کہ گزشتہ روز کچے کے علاقے میں پولیس مقابلے کے دوران جاگیرانی گروہ کے 2 ڈاکو ہلاک ہوئے تھے۔شہید اہلکاروں میں علی گوہر دایو اور اشوک جبکہ عزیز میرانی زخمی ہوا جسے اسپتال منتقل کردیا گیا ہے۔