بہاولپور(نیوز ڈیسک) لائن لگا کر آٹا فراہم کرنے کا حکومتی اقدام عوام کے لیے وبال جان بن گیا،سیل پوائنٹ پر پھگدڑ مچنے سے 8 خواتین شدید زخمی ہو گئیں۔بہاولپور میں بلدیہ روڈ پر سرکاری آٹے کے سیل پوائنٹ پر آٹے کی تقسیم کے دوران بھگدڑ مچ گئی، جس کے باعث 8 خواتین شدید زخمی ہوگئیں، ایک خاتون کی ٹانگ ٹوٹ گئی۔واقعہ آٹے کی ترسیل کے دوران بھگدڑ مچنے کے باعث پیش آیا، زخمی ہونے والی خواتین کو اسپتال منتقل کردیا گیا جبکہ پولیس نے موقع پر پہنچ کر صورتحال کو کنٹرول کرنا شروع کردی۔انتظامیہ کی جانب تمام انتظامات کئے جاتے ہیں لیکن 8 لاکھ کی آبادی کو کنٹرول کرنے کے کئے اضافی نفری موجود نہیں ہے۔ واقعے کے خلاف علاقہ مکینوں نے احتجاج کرتے ہوئے روڈبلاک کردیا ،پر حکام حکومتی حکم پر عمل درامد کرانے پر مجبور،پہلے کی طرح دکانوں پر سستا آٹا فراہم نہیں سکتے۔
