لاہور: وزیر اعلیٰ پنجاب مریم نواز لندن دورہ ہفتے کو نجی طور پر کریں گی، جہاں وہ اپنی بیٹی کی گریجویشن کی تقریب میں شرکت کریں گی۔
ذرائع کے مطابق مریم نواز لندن میں تقریباً تین روز قیام کریں گی۔ اس دوران ان کی کسی سیاسی ملاقات کا شیڈول نہیں ہے اور ان کا دورہ مکمل طور پر نجی نوعیت کا ہوگا۔
ذرائع کا کہنا ہے کہ وزیر اعلیٰ پنجاب کی بیٹی نے لندن کی ایک یونیورسٹی سے اپنی گریجویشن مکمل کرلی ہے، جس کی تقریب میں شرکت کے لیے مریم نواز لندن روانہ ہوں گی۔
مریم نواز کے دورہ لندن سے متعلق سفری شیڈول اور دیگر مصروفیات کی مکمل تفصیلات تاحال سامنے نہیں آئی ہیں۔ ذرائع کے مطابق تین روزہ قیام کے دوران وہ اپنی بیٹی کی گریجویشن سے متعلق تقریب میں شرکت کریں گی اور نجی مصروفیات میں وقت گزاریں گی۔
وزیر اعلیٰ پنجاب کی لندن روانگی ایسے وقت میں ہوگی جب صوبے میں حکومتی امور معمول کے مطابق جاری ہیں۔ ان کے دورے کے دوران سرکاری معاملات سے متعلق تفصیلات یا کسی اضافی سیاسی سرگرمی کا اعلان نہیں کیا گیا۔
ذرائع کے مطابق مریم نواز لندن دورہ مختصر ہوگا اور وہ تین روز قیام کے بعد پاکستان واپس پہنچیں گی۔
