اسلام آباد (اے بی این نیوز) وفاقی دارالحکومت میں گزشتہ روز ڈرائیور لیس گاڑی کے پولیس موبائل سے ٹکرانے کی ویڈیو سوشل میڈیا پر وائرل ہونے کے بعد اسلام آباد پولیس کی باضابطہ وضاحت سامنے آگئی۔
اسلام آباد پولیس نے نوجوان طالب علم کے خلاف کارروائی کے بجائے اس کے ٹیلنٹ اور تخلیقی صلاحیتوں کی حوصلہ افزائی کا فیصلہ کیا ہے۔
A Pakistani innovator was demonstrating a driverless car he developed when it lost control and crashed directly into a police vehicle in Islamabad.
The car is remotely controlled over the internet through an app or computer.
Source: ProPakistani, Khabrain News pic.twitter.com/bUVuesS4cH
— Planet Report HQ (@PlanetReportHQ) August 31, 2026
تفصیلات کے مطابق ایس پی سٹی ڈاکٹر ایاز حسین نے کامسیٹس یونیورسٹی ایبٹ آباد کے کمپیوٹر انجینئرنگ کے طالب علم احسان ظفر عباسی کے ہمراہ ویڈیو پیغام جاری کیا، جس میں واقعے کی تفصیلات بیان کی گئیں۔
ایس پی سٹی ڈاکٹر ایاز حسین نے کہا کہ واقعے کی مکمل انکوائری کی گئی، جس میں کسی قسم کی بدنیتی یا جرم کا عنصر سامنے نہیں آیا۔ نوجوان اپنی نئی ایجاد کا ٹیسٹ رن کر رہا تھا اور حادثہ محض انسانی غلطی کے باعث پیش آیا۔
انہوں نے کہا کہ نوجوان ہمارا قیمتی اثاثہ اور ملک کا روشن مستقبل ہیں، اس لیے اسلام آباد پولیس ان کی مکمل حوصلہ افزائی اور معاونت کرے گی۔
طالب علم احسان ظفر عباسی نے واقعے کی وضاحت کرتے ہوئے بتایا کہ وہ 2018 سے انٹرنیٹ کے ذریعے کنٹرول ہونے والی ڈرائیور لیس گاڑی کے منصوبے پر کام کر رہے ہیں۔
سوشل میڈیا پر پولیس وین سے ٹکرانے والی گاڑی کی وائرل ویڈیو کا معاملہ۔
پولیس گاڑی سے ٹکرانے والی گاڑی کے معاملے پر ایس پی سٹی زون ڈاکٹر ایاز حسین کا نوجوان کے ہمراہ ویڈیو پیغام ملاحظہ کیجیے۔#WeRIslamabadPolice pic.twitter.com/wnbkNaP102
— Islamabad Police (@ICT_Police) September 1, 2026
ان کے مطابق انٹرویو کے دوران کیمرہ مین کے کہنے پر موبائل فون دکھاتے ہوئے ان سے غلطی سے دائیں کے بجائے بائیں جانب جانے کا بٹن دب گیا۔ کمانڈ تبدیل ہونے کے نتیجے میں گاڑی موڑ کاٹتے ہوئے سامنے کھڑی پولیس وین سے جا ٹکرائی۔
احسان ظفر عباسی نے معاملے کو سمجھنے، تکنیکی پہلوؤں کا جائزہ لینے اور مثبت تعاون فراہم کرنے پر اسلام آباد پولیس اور بالخصوص ایس پی سٹی ڈاکٹر ایاز حسین کا شکریہ ادا کیا۔
طالب علم نے عزم ظاہر کیا کہ وہ اپنی تکنیکی صلاحیتوں کو مزید بہتر بنا کر مستقبل میں پاکستان کا نام روشن کرنے کے لیے کام جاری رکھیں گے۔
مزیدپڑھیں:ملک بھر میں تیز ہواؤں اور بارش کی پیشگوئی، محکمہ موسمیات کا الرٹ جاری
