تہران(اے بی این نیوز) ایرانی سرکاری میڈیا کے مطابق ایران نے مذاکرات کے لیے امریکا کی پیش کردہ شرائط کو مسترد کر دیا ہے اور واضح کیا ہے کہ دباؤ یا یکطرفہ مطالبات کے تحت کوئی بات چیت قبول نہیں کی جائے گی۔
رپورٹس کے مطابق ایرانی حکام کا کہنا ہے کہ Donald Trump کی جانب سے جنگ بندی میں یکطرفہ توسیع کا اعلان کیا گیا، تاہم تہران نے اسے غیر مؤثر قرار دیتے ہوئے مسترد کر دیا ہے۔ ایرانی مؤقف کے مطابق ایسی کسی بھی توسیع کی کوئی قانونی یا سفارتی حیثیت نہیں جب تک اسے باہمی اتفاق سے طے نہ کیا جائے۔
ایرانی پارلیمنٹ کے اسپیکر کے مشیر نے سخت ردعمل دیتے ہوئے کہا ہے کہ ہارنے والا فریق شرائط مسلط نہیں کر سکتا۔ ان کے مطابق امریکا خطے میں اپنی پوزیشن کھو چکا ہے اور اب دباؤ ڈال کر نتائج حاصل کرنے کی کوشش کر رہا ہے جو کامیاب نہیں ہوگی۔
مشیر اسپیکر نے مزید کہا کہ ٹرمپ کی جانب سے جنگ بندی میں توسیع کی کوئی اہمیت نہیں اور ایران اپنی خودمختاری اور قومی مفادات پر کسی قسم کا سمجھوتہ نہیں کرے گا۔ انہوں نے زور دیا کہ اگر مذاکرات ہونے ہیں تو وہ برابری کی بنیاد پر اور بغیر کسی دباؤ کے ہوں گے۔
