اسلام آباد (اے بی این نیوز) این ڈی ایم اے نے ملک بھر میں آندھی اور پہاڑوں پر برفباری کی وارننگ جاری کی ہے تاہم محکمہ موسمیات نے کہا ہے کہ آج رات کم از کم ملک کے بیشتر علاقوں میں موسم خشک اور میدانی علاقوں میں گرم رہنے کا امکان ہے۔
تاہم محکمہ موسمیات نے بالائی خیبرپختونخوا، کشمیر اور گلگت بلتستان میں تیز ہواؤں/آندھی اور گرج چمک کے ساتھ چند مقامات پر بارش کی بھی پیش گوئی کی ہے۔
تفصیلات کے مطابق پیر کے روز ملک بھر میں موسم کی صورتحال کے مطابق اسلام آباد اور اس کے گردونواح میں دن کے وقت گرمی جبکہ دوپہر کے وقت تیز ہوائیں چلنے کا امکان ہے۔
خیبرپختونخوا کے بیشتر اضلاع میں موسم خشک جبکہ میدانی علاقوں میں دن کے وقت گرم رہنے کی توقع ہے۔ تاہم دوپہر کے وقت بالائی اضلاع میں مطلع جزوی طور پر ابر آلود رہنے کی توقع ہے۔
پنجاب کے بیشتر اضلاع میں موسم خشک جبکہ میدانی علاقوں میں گرم رہنے کا امکان ہے۔ تاہم مری، گلیات اور گردونواح میں موسم خشک رہے گا۔
سندھ کے بیشتر اضلاع میں موسم گرم اور خشک رہنے کا امکان ہے۔ تاہم، دوپہر میں تیز/دھول بھری ہواؤں کی بھی توقع ہے۔
بلوچستان کے بیشتر اضلاع میں موسم خشک جبکہ جنوبی اضلاع میں گرم رہنے کا امکان ہے۔
کشمیر اور گلگت بلتستان میں مطلع جزوی طور پر ابر آلود رہنے کا امکان ہے۔
آج ریکارڈ کیے گئے زیادہ سے زیادہ درجہ حرارت کے مطابق آج 19 اپریل گرم دن ثابت ہوا۔ سبی اور مٹھی میں درجہ حرارت 41 ڈگری سینٹی گریڈ تک پہنچ گیا۔ اتوار کو سندھ میں سکھر، بلوچستان کے تربت اور سندھ کے چھور میں درجہ حرارت 40 ڈگری سینٹی گریڈ ریکارڈ کیا گیا۔
مزید پڑھیں:کیا حسن علی کا کیریئر خطرے میں؟اہم تفصیلات سامنے آگئیں
