اسلام آباد، کابل(اے بی این نیوز    )افغانستان کے شمالی علاقے میں زلزلہ ریکارڈ کیا گیا، جس کے جھٹکے پاکستان کے مختلف شہروں سمیت پورے خطے میں محسوس کیے گئے۔ زلزلے کا مرکز افغانستان کے صوبہ بدخشاں میں جرم سے تقریباً 35 کلومیٹر جنوب میں تھا، تاہم اس کی زیادہ گہرائی کے باعث اس کے اثرات دور دور تک پھیل گئے۔ پاکستان میں اسلام آباد، راولپنڈی، پشاور، سوات، ایبٹ آباد، لاہور اور دیگر علاقوں میں بھی زمین لرزنے کے باعث شہری گھبرا کر گھروں سے باہر نکل آئے۔زلزلے کے قریب ترین علاقوں میں جرم، فیض آباد، اشکاشم اور تاجکستان کا علاقہ اشقوشم شامل ہیں، جہاں جھٹکے نسبتاً زیادہ شدت سے محسوس کیے گئے۔ عینی شاہدین کے مطابق عمارتیں ہلنے لگیں اور کئی مقامات پر لوگ خوف کے باعث سڑکوں پر آ گئے۔

افغانستان کے علاقے بدخشاں میں آنے والے زلزلے نے پورے خطے کو ہلا کر رکھ دیا۔۔ لوگ کلمہ طیبہ کا ورد کرتے ہوئے گھروں، دفاتر اور مارکیٹوں سے باہر نکل آئے۔عینی شاہدین کے مطابق اچانک عمارتیں ہلنے لگیں، پنکھے اور لائٹس جھولنے لگیں جس کے بعد لوگ فوری طور پر کھلی جگہوں کا رخ کرنے لگے۔ کئی علاقوں میں کچھ دیر کیلئے معمولات زندگی متاثر بھی ہوئے۔ ماہرین نے خبردار کیا ہے کہ آفٹر شاکس آ سکتے ہیں، اس لیے شہری محتاط رہیں اور غیر ضروری طور پر عمارتوں میں داخل ہونے سے گریز کریں۔

)

بریکنگ نیوز: افغانستان کے علاقے جرم میں 5.8 شدت کا زلزلہ، کئی ممالک کی زمین لرز اٹھی

کابل/اسلام آباد: افغانستان کے شمالی صوبے بدخشاں میں جمعہ کی شام زلزلے کے شدید جھٹکے محسوس کیے ، لوگ کلمہ طیبہ کا ورد کرتے ہوئے گھروں سے باہر نکل آئے۔

زلزلے کے اثرات اور متاثرہ علاقے

امریکی جیولوجیکل سروے (USGS) کے مطابق زلزلے کا مرکز افغانستان کا پہاڑی علاقہ جرم تھا، اس کے اثرات سرحد پار تاجکستان اور پاکستان کے شمالی علاقوں میں بھی محسوس کیے گئے۔

: یہ خطہ زلزلوں کی زد میں کیوں ہے؟

ماہرین کے مطابق یہ پورا خطہ انڈین اور یوریشین پلیٹس کے ٹکراؤ کے مقام پر واقع ہے، جہاں انڈین پلیٹ مسلسل شمال کی جانب حرکت کر رہی ہے۔ اس حرکت کے نتیجے میں پیدا ہونے والا دباؤ بڑے زلزلوں کی شکل میں ظاہر ہوتا ہے، جیسا کہ 2005 میں کشمیر میں آنے والا تباہ کن زلزلہ تھا۔