کوئٹہ (اے بی این نیوز) وفاقی وزیر داخلہ محسن نقوی نے بلوچستان میں دہشت گردی کے واقعات پر کور ہیڈ کوارٹرز کوئٹہ کا دورہ کیا۔
وزیر داخلہ محسن نقوی کو فتنہ الہند کے دہشت گرد حملوں اور سیکیورٹی صورتحال پر بریفنگ دی گئی۔ بریفنگ میں وزیراعلیٰ بلوچستان سرفراز بگٹی اور کور کمانڈر بلوچستان نے بھی شرکت کی۔ وزیر داخلہ نے فتنہ الہند کے خلاف سیکورٹی فورسز کی بروقت اور موثر کارروائی کو سراہا۔ وزیر داخلہ نے دہشت گرد حملوں میں شہید ہونے والے اہلکاروں اور شہریوں کو خراج عقیدت پیش کیا۔
محسن نقوی نے کہا کہ شہداء نے اپنی جانوں کا نذرانہ پیش کر کے دہشت گردوں کے ناپاک عزائم کو ناکام بنا دیا، دہشت گردی کے خلاف جاری جنگ آخری دہشت گرد کے خاتمے تک جاری رہے گی۔
مزید پڑھیںٌ:صدر مملکت نے سینیٹ اجلاس طلب کر لیا
