اسلام آباد (اے بی این نیوز) پاکستان میں روسی سفارتخانے نے صدر ولادی میر پیوٹن کی پاک روس تعلقات پر گفتگو جاری کر دی۔
پاکستانی سفیر فیصل نیاز ترمذی نے روسی صدر کو اپنی سفارتی اسناد پیش کیں۔ اس موقع پر روسی سفارتخانے نے صدر ولادی میر پیوٹن کی پاک روس تعلقات پر گفتگو جاری کی۔
روسی صدر ولادی میر پیوٹن نے کہا ہے کہ پاکستان کے ساتھ قریبی تعاون جاری ہے، پاکستان شنگھائی تعاون تنظیم کا مکمل رکن ہے، شنگھائی تعاون تنظیم خطے کی سب سے بڑی علاقائی تنظیم ہے۔
اس موقع پر پیوٹن نے کہا کہ روس اور پاکستان کے تعلقات حقیقی معنوں میں باہمی طور پر مفید ہیں۔
پاکستانی سفیر نے کہا کہ پاکستان اور روس کے درمیان مختلف شعبوں میں تعاون بڑھ رہا ہے، روس میں مقیم پاکستانی کمیونٹی کے ساتھ تعلقات کو ترجیح دی جائے گی۔
واضح رہے کہ فیصل نیاز ترمذی نے اکتوبر 2025 میں روس میں سفارتی ذمہ داریاں سنبھالی تھیں۔
مزید پڑھیں:انتخابی کیس کی سماعت مقرر، چیف سیکریٹری طلب
