اسلام آباد(اے بی این نیوز)عالمی منڈی میں پٹرولیم مصنوعات کی قیمتوں میں بڑی کمی کے بعد پاکستان میں بھی نئے سال کے موقع پرپٹرول سستاہونے کاامکان پیداہوگیا۔ عالمی منڈی میں پٹرول کی فی بیرل قیمت 75ڈالر 5سینٹ سےکم ہوکر 69 ڈالر 73 سینٹ ہوگئی،اس طرح پٹرول کی فی بیرل قیمت میں 5 ڈالر32 سینٹ کمی ریکارڈکی گئی ،پٹرول پرفی بیرل پریمیم 38 سینٹ فی بیرل اضافے کے بعد 4 ڈالر 76سینٹ سے بڑ ھ کر 5 ڈالر 14 سینٹ تک پہنچ گئی۔

ذرائع کےمطابق ایکسچینج ایڈجسٹمنٹ میں 1روپے48 پیسےاورکسٹم ڈیوٹی میں 71پیسےکمی دیکھی گئی،پٹرول کی فی لیٹر ایکس ریفائنری قیمت 145روپے 66 پیسے ریکارڈ کی گئی،پٹرول کی ایکس ریفائنری قیمت میں 11روپے فی لیٹر کمی ریکارڈ کی گئی ہے،15دسمبر کو پٹرول کی ایکس ریفائنری قیمت 156روپے66 پیسےتھی۔

اس کےعلاوہ ڈیزل کی قیمت میں 4 ڈالر 35 سینٹ کی کمی ہوئی،جس کے بعد فی بیرل قیمت 84 ڈالر27 سینٹ سےکم ہوکر79 ڈالر92 سینٹ ریکارڈ کی گئی جبکہ ڈیزل پرکسٹم ڈیوٹی میں 1روپے 76 پیسے کمی ریکارڈ کی گئی،ڈیزل کی ایکس ریفائنری قیمت میں 9 روپے 57 پیسے کمی ہوئی ہے،ڈیزل کی ایکس ریفائنری قیمت 164روپے 92پیسے سے کم ہوکر 155روپے 35پیسے ریکارڈ کی جارہی ہے۔

عالمی منڈی میں پیٹرولیم مصنوعات کی قیمتوں کو مدنظر رکھتے ہوئے پاکستان میں بھی نئےسال کے آغاز پر پیڑولیم مصنوعات کی قیمتوں بڑی کمی متوقع ہے،اوگرا 31دسمبر کو ورکنگ حکومت کو بھجوائے گی اورحکومت ریونیوضرویات کو مدنظر رکھتے ہوئے فیصلہ کرے گی۔
مزید پڑھیں: لاہور میں احتجاج کرنے پر پی ٹی آئی کارکنوں کیخلاف مقدمات درج